ومش فارق معايا حساب
ومتأكد وعندي يقين
بإن غيابنا لهُ اسباب
عشان انا وانتي م الأول
حلفنا نكمل المشوار
وانا ماخلفتش المواعيد
ومارجعتش في اي قرار
لا عمري عرفت اشوف غيرك
ولا حطيت ما بيننا جدار
لا قبلك واحدة ولا بعدك
هتملىٰ العين وترضيني
ولا فيه واحد تديني
حياه تانية وناس تانيين ..
كإن الدنيا من بعدك
بتقفل بابها وتبطل
تطلع تاني بني ادمين ..
بقيت مابشوفش إلا انتي
ومش محتاج اشوف غيرِك
ياريتك عارفه تأثيرِك
وقيمتك عندي وغلاوتِك
ياريت الدنيا فيها اتنين
بـ طيبة قلب وحلاوتِك
ياريتك تبقي دايمالي
وحالك يبقى من حالي
ولما هتسألي مالي .!
هقولك عادي كله تمام
انا وياكي مطمن
ومش خايف من الايام
و انا في قربك مابحسبهاش
ومش فارق معايا حساب
انا اتحمل عتابِك اه
لكن مش حمل اي غياب
موافق ابقى انا السايب
بشرط ان احنا نتصالح
ونرجع تاني ونكمل
ومهما الدنيا هتحمل
على اكتافي انا شيال
وشايل ليكي جوايا
كلام اكتر من اللي اتقال ..
محمد فريد
تعليقات
إرسال تعليق