حوار خاص للتيكتوكر المحقق زوما مع جريدة اليوم التاسع.
كتب: أحمد ناجح صيد.
يقول حازم ردًا على الأسئلة التي وجهت له:
اسمي محمد حازم ومشهور ب زوما أو المحقق زوما.
فكره المحتوي جتلي لما لقيت ناس كانت مهتمة بموضوع حاصل في السوشيال ميديا فا قولت اطلع اتكلم عليه بس بطريقه كوميديا لقيت الفكره عجبت الناس جدآ فاستمريت فيها ومع التطوير بقيت المحقق زوما المشهور حاليآ
اخترت المحتوي ده لانه مختلف عن اي محتوي في التيك توك كمان بقدمه بطريقه كوميديا ولما غيري حاول يقلدني فشل لأنه هو لايق عليا أنا وعلي طريقتي في الكلام
وقال عن من دعمه: عشان مكدبش محدش من أهلي شجعني كلو كان بيحبطني الي شجعوني هو الجمهور بتاعي ونا بعتبرهم اخوات ليا.
وعندما سؤا هل واجه صعوبات قال:
طبعا كتير جدآ جدآ فوق ماتتخيل كان الاحباط من كل مكان مكنش عندي اي امكانيات كنت بصور بتلفون ب ٢٠٠٠ جنيه مكنش عندي مصدر اضاءه كنت صفر وكان كلو بيقول تفاهه وملهاش لزمه بس الحمدلله اتحديت ده كلو وبقيت زي ما انت شايف
بتعرف مصادرك من جهات معينه ولا أشخاص ولا مفيش شيء معين؟
مليش أي مصادر ومش بستعين بحد يمكن الفانز ليفربول المسافه شويه، لكن معظم الأخبار اجتهادات شخصيه وتوقعات والحمدلله بتطلع صح بنسبه ٩٩٪.
شايف نفسك فين ف المستقبل ؟
في التلفزيون في قناه كبيرة
وقال المحقق زوما موجهًا كلامه لجريدة اليوم التاسع:
انتم جريده محترمه وليكم مستقبل كبير وأنا اتشرفت إني اتعاملت معاكم وان شاء الله بعد لما احقق حلمي اتعامل معاكم تاني.
وقال المحقق زوما لجمهوره:
كلمتي للجمهور إني بحبكم زي اخواتي اقسم بالله انا معنديش فانزات انا عندي اخوات ومهما اعلي ومهما اكبر هتفضلو فوق راسي وهفضل احبكم وهتفضلو اخواتي طول عمري.
كلمه لائ حد عايز يحقق حلمه ويوصل لحلمه اشتغل في كذا حاجه جرب ده وده لما تلاقي الشغل اللي انت حبيته استمر فيه حتى لو كلو ضدك حتى لو كلو مش عاجبه شغلك استمر ومتسمعش اي كلام سلبي ركز في هدفك وفي الحلم اللي انت اخترته هما هما الناس اللي بينتقدوك لما تنجح هيسقفولك.
تعليقات
إرسال تعليق