حوار: ليلى إمام
طالب كلية هندسة بالجامعة المصرية الروسية، كتب 5 روايات وقامت بعمل صدى مميز جدا بين القراء، وصلت قائمة قصيرة في مسابقة إبداع 8 فرع الرواية، ومركز أول في القصة القصيرة مسابقة صلاح هلال الأدبية، كما له مسلسل إذاعي على منصة ibookcast.
بعد قرأته لرواية في كهوف دراجوسان العدد الأول من سلسلة الأعداد الخاصة لما وراء الطبيعة، لدكتور أحمد خالد توفيق الله يرحمه.. بدأ بالكتابة.
كما أكد حبه كتابة كل ما يتعلق بالتشويق والإثارة مثل البوليسي أو الجريمة، لكن أكثر حاجة يحبها في الكتابة هي الرعب لأنه يحس إنه بيطلع فيها أحداث كويسة مع حبكات محكمة.
فيمم أكد دعم اهله وأنهم أول وأكبر داعم له في الكتابة والنشر والحرص على تقديم كل جديد.
كذلك وضح أن دراسته ليس لها علاقة بالكتابة، بل أنه أحب الكتابة لأنه بيقرأ كتير، فقد قرأ فوق الألف كتاب بين الروايات العربي والانجليش، فده كان حافذ إنه يجرب يعمل زي الناس الجميلة اللي بيقرألها دول.
فيما أعرب أن أول رواية له هي المقايض، مكنش في ردود أفعال لأنها منجحتش خالص، بس ده كان لازم يحصل لأنه كان متسرع جدا ومتحمس إنه يكتب وينشر، فكان اختياره كله غلط من حيث العمل أو الدار.. لكن خرج من التجربة دي إنه يدرس كويس كل خطوة له قبل ما يعملها.
فقد وجه له انتقادات ولكن كان أغلب الانتقاد إنه عمل نجاح كبير وهو سنه صغير، كان رد فعله إنه يركز على شغله أكتر وينجح أكتر.
كما تحدث عن رواياته كلها بشكل مختصر، قائلا: "أول رواية ليا هي المقايض، تيمة فاوست بتاعت العقد بين البشر والشياطين،
ثم رواية صندوق الموتى، وهي تيمة الأغراض الملعونة،
ثم رواية المتربص، وهي تيمة المرض النفسي،
ثم رواية الشيطان الواحد والعشرون، وهي تيمة السحر والشياطين،
ثم رواية عزبة التفاح الفاسد، وهي تيمة الغموض والأرواح".
وعن أكتر رواية قريبه لقلبه هي رواية "صندوق الموتى" لأنها خلت عنده دافع أن كل حاجة يعملها تكون كويسة ومظبوطة عشان تطلع في أحسن صورة.
أما عن سر اسم هادم الطفولة كانت إجابته:" لأني بكتب نظريات عن الكارتون، والغرض منها النظر لحاجة جميلة وبسيطة زي الكارتون على إنها حاجة مرعبة وراها مؤامرات وكوارث".
فيما تحدث أيضا عن مسلسله حكايتي مع scp " الscp هي منظمة عالمية، تقريبا كل الناس عارفاها أول على الأقل سمعت عنها كلمة أو اتنين، اغلب الناس اتكلمت من وجهه نظر الناس العادية وهي بتقرأ ملفات المنظمة، لكن أنا قررت اجيب الموضوع من وجهه نظر مختلفة وهي من وجهه نظر المنظمة نفسها، يعني هم لية عملوا كذا وكانوا بيفكروا في أي وهم بيعملوا كذا، طب لو معملوش كذا كان اية اللي هيحصل، وهي دي فكرة المسلسل اننا نتكلم عن المنظمة من كل وجهات النظر.
والمسلسل من بطولة اليوتيوبر الجميل أحمد نجم، ومسلسل حصري على منصة ibookcast للكتب الصوتية.
وخلال الفترة القادمة سيعرض للكاتب رواية من تأليفه المعرض القادم وروايتين من ترجمته كما أكد سعيه إنهم يبقوا تلاتة، كذلك من المتوقع النزول بالموسم الثاني من حكايتي مع الscp في الهالوين.
تعليقات
إرسال تعليق