حوار خاص للتيكتوكر المحقق زوما |اليوم التاسع.

 عمار ناصر في حوار صحفي لجريدة اليوم التاسع "ميغركش المظاهر بتاعت السوشيال ميديا" 

كتب: أحمد ناجح صيد. 

عمار ناصر ابن محافظة المنوفية_قويسنا، ايضًا الطالب بكليه العلوم جامعة الأزهر. 

يتحدث عمار في بداية حديثه ردًا على سؤال كيف بدأت العمل في ما تقدمه من محتوى قائلًا:

بدأت عادي عملت فيديو ولقيت في قبول من الناس فبدأت اعمل فيديوهات كتير وكده. 

وأكد عمار على انه لم يكن في ترتيبه أو حسبته أن يفعل ذلك ولكنها جائت من باب الصدفة، وأكد على أن اكثر من شجعه هو اصدقائة المقربين له. 

وكان رد عمار على مواجهة الانتقادات صريحًا واضحًا حيث قال:

الصراحه الحمد لله من ساعه ما بدأت ما شوفتش أي انتقادات ودي حاجه بحمد ربنا عليها وإن شاء الله أكمل على كده حتى لو واجهت انتقاد فا دا الطبيعي. 

وقال عمار عن الصعوبات التي واجهته بعبارات صريحة متواضعه:

اكيد في صعوبات، وقت تصوير الفيديو، كمان في الأول مكنش معايا موبايل كاميرته كويس كان صحابي هما اللي بيصوروني ولحد دلوقتي بردو، وافكار الفيديو نفسها صعبه، وانك ازاي تقدر تخلي الناس مبسوطه دي صعبه بردو عشان نوعيه الفيديوهات بتاعتي هيا اني بطلع احكي مواقف حصلت معيا مش مشاهد تمثيلية. 

وتحدث عمار عن انه كان يلعب كرة القدم في أحد الاندية حتى وقت قريب، ولكن لم يحالفه الحظ

وعن ما سيفعل في الفترة القادمة: مش مخطط آوي يعني بعمل اللي عليا واسيبها على ربنا بس أنا واثق في ربنا إني اللي جاي حاجة حلوة إن شاء الله. 

ووجه عمار رسالة لبعض أهم الأشخاص في حياته قائلًا:

بوجه رساله لأمي وبقولها ربنا يخليكي ليا واعرف اعوضك عن كل اللي عملتيه معايا وابويا برضو ولأهلي برضو وبشكر كل أهلي وقرايبي كلهم وصحابي ربنا يخليهم ليا. 

وقال أيضًا في دعابه "وكله كوم وهي في كوم تاني" 

كلمه للشباب 

"ما يغركش المظاهر بتاعه السوشيال ميديا ومتقلدش حد الحاجه اللي انت بتحبها اعملها وان شاء الله ربنا يوفق كل الشباب" 

وقال في ختام حديثه: بشكر اليوم التاسع على الحوار ده ودائما في نجاح.