حوار خاص للتيكتوكر المحقق زوما |اليوم التاسع.

 

كتبت: ليلى إمام 

 "خلود خالد" طبيبة أسنان جامعة اسكندرية دفعة ٢٠١٧ تعمل في وزارة الصحة ولها شيفتات برايفت في مستشفي خاصة، تحب الهاند ميد بكل أنواعه فهو  ملجأ لها بعد أي ضغط في الشغل أو الحياة عموماً..

هل هي موهبة لديكِ؟

هو الموضوع موهبة أساسية مع تعلم .. بحب اتعلم كل جديد في الهاند ميد وبحس بفرحة رهيبة وأنا شايفة إني عملت حاجة بأيدي.

امتى فكرتي تعملي بيدج وتظهري موهبتك؟

جاتلي فكرة البيدج في ٢٠١٧ لما لاقيت إن اي حاجة بعملها بتعجب الناس وكان فيه منهم بيعرضوا عليا يدفعوا فلوس واعملهم حاجة معينة هاند ميد بدأت بداية بسيطة جدا ومكنتش بحقق أي ربح تقريبا لمدة ٣ شهور لإني كنت بصرف على الخامات بعد كدة اتعرفت وبقيت ببعت محافظات وبرة مصر كمان وقفت شغل هاند ميد من سنتين لظروف شخصية.

بس بقالي كام شهر رجعت اشتغل تاني حاجات لنفسي وكل اللي حواليا كانوا بيشجعوني ارجع تاني وفعلا رجعت افتح بيدج جديدة بإسم جديد.

هل السوشيال ميديا ساعدتك؟

السوشيال ميديا طبعا ساعدتني هي تعتبر أساس شغلي علشان بحط عليه صور كل الحاجات اللي بعملها والناس يعتبر عرفتني من عليه.

مين بيشجعك؟

اللي بيشجعني كل اللي حواليا الصراحة سواء صحابي أو اهلي فعلا هما اللي خلوني ارجع اشتغل تاني .. بس محدش بيساعدني في شغلي اطلاقا لإني لازم اطلع الحاجة زي ما انا حابة.

منين بتستوحي الأفكار؟

بستوحي الأفكار من النت احيانا بس مبعرفش اقلد ديزاين لازم احط لمستي الشخصية فيه ..

اي الصعوبات اللي بتواجهك؟

الصعوبات اللي ممكن بتواجهني التسويق وتنسيق الوقت مع شغلي كدكتورة اسنان بس الفترة دي بحاول أن الموضوع يبقي هواية تتحول لبيزنس وميكونش بيزنس بحت علشان محسش بضغط وانا بعمل اي اوردر ..

حلمك اي؟

حلمي أن يبقي ليا ستور صغير فيه كل الحاجات الهاند ميد اللي بعملها ويبقي فيه مشتل ورد صغير.