حوار خاص للتيكتوكر المحقق زوما |اليوم التاسع.

 

يوستينا

حوار: ليلى إمام 

حلمها أكبر براند، تعشق accessories ، هي "يوستينا" خريجة فنون تطبيقية قسم ديكور وعمارة داخلية تخرجت سنة ٢٠١٩ وبشتغل مهندسة ديكور ومصممة اكسسوار، وصلحبة براند Peerless bracelets.

منين جتلك الفكرة؟

من صغري وأنا بحب أي حاجة handmade وبالذات accessories وماما كانت دايما تجيبلي ال materials ونقعد نعملها سوا واما كبرت فكرت اني اعمل دا مشروع ويبقي حاجة بحبها بشتغلها.

أمتى بدأت هاند ميد، وهل ذلك موهبة ؟

بدأت من وانا صغيرة كهواية وبعدين بقيت شغل من ٢٠١٨ وماخدتش كورسات خالص كله هواية انا بجيب كل الخامات بتاعتي بتبقي دهب صيني أو استانلس ولازم اجرب الحاجة عليا قبل ما ابيعها واتأكد انها دهب صيني واستانلس و دا بيدي مصداقية كبيرة للشغل بتاعي.

 إزاي السوشيال ميديا ساعدتك انك تتعرفي؟

الحقيقة أن الواحد يكبر في السوشيال ميديا دي من أصعب الحاجات لكن اني اعرف استمر ٥ سنين ده بيكون بسبب سمعة الشغل وجودته دا اللي بيعيش ويستمر.

مين بيشجعك، وفي حد بيساعدك ولا لا؟

الحقيقة كل الناس الغريب قبل القريب يعني كل اللي بيشوف الشغل دائما بيشجع .. لا مفيش حد بيساعدني انا اللي بجيب الخامات وبنفذها وبصورها على نفسي وبعمل الedit وبحطها ودة طبعا بياخد مجهود كبير بس مجهود لذيذ.

منين بتستوحي الأفكار؟

لازم على طول ابقي بتفرج وانزل الاماكن اللي بجيب منها الخامات وانقيها بنفسي واوقات كتير تجيلي الأفكار وانا بجيب الخامات واوقات تانية عملاء عندي يبعتولي صورة عايزين زيها انفذها برضو واضيف لمستي.

هل في صعوبات بتواجهك؟

اه طبعا احباطات كتير اما اكون بعمل كل حاجة والريتش مش أعلى حاجة اوقات .. اوقات تانية ضغط الشغل الجامد بس في الاخر حاجة بحبها.

حلمك توصلي لأي؟

حلمي ابقي براند كبير يبقي حاجة معروفة ومشهورة مصدر ثقة للناس واكمل في المجال دة علي طول.