حوار خاص للتيكتوكر المحقق زوما |اليوم التاسع.

 

الشيف رحاب حسن 

كتبت: ليلى إمام 

الشيف "رحاب حسن"، تبلغ من العمر  ٤٥ عاما، لديها بكالوريوس تجارة وخبرة في مجال الشحن البحري والجوي والبري ٢٣ سنة.

منين جتلك فكرة الظهور للناس؟

الفكرة جاتلي من سنة ونص وقت أزمة الكورونا وشغلي الأساسي شحن بحري وقف بسبب قرارات الاستيراد التصدير ولغبطة السوق كله.

كلمينا عن الأصناف اللي بتعمليها؟

الاصناف متعددة أول منتج بدأت فيه زبدة فول السوداني وقررت اعملها صحية ويختار انظف فول سوداني ممكن يكون غالي شويه بس الطعم يفرق ومن غير سكر ودقيق والكلام الفارغ بتاع تجارة المصنع 

ودخل بعدها انواع المكسرات كلها حولتها لزبدة 

وبعمل الطحينة 

عجينة الطعمية الحمد لله عجبت الي جربها واهم تعليق أنها مش بتتعب صدرهم زي بتاعت السوق 

وعندي سمبوسك بعملها من اول الشرائح لحد الحشوات المختلفة 

ونيجي للميني بيتزا فكرتها جت سهلة للكبار والصغيرين تتعمل وتتاخد مع الاطفال أو الشغل للكبار،

وأخيرا لحد الآن منتج النوتيلا بالبندق والشيكولاتة الدارك بالقهوة وبصراحة دي فكرة جوزي وهو المتخصص في عملياتها

رغم أنه دكتور وخريج الأكاديمية البحرية وعنده شركة شحن بحري.

 إزاي السوشيال ميديا ساعدتك انك تتعرفي؟

بالنسبة السوشيال ميديا قررت اعمل صفحة اسمها RoRo NuTs بس لسه مكبرتش بس فكرة الجروبات وانشر صور منتجي بدأت ناس تعرفني بس لسه موصلتش للي أنا عاوزاه.

مين بيشجعك، وفي حد بيساعدك ولا لا؟

تشجيع جوزي من البداية بصراحة ودائما بيساعدني وطبعا اي تجارب منتجات بتكون فيه وتشجيع اصحابي واخواتي 

معنديش حد بيساعدني جوزي بس بيعمل الشيكولاته.

هل في صعوبات بتواجهك؟

الصعوبات كتير 

أسعار الخامات غير مستقرة خلا الناس تفكر الف مرة تشتري وطبعا علشان ليها أوليات

قلة الماديات برده علشان انا بحب أظهر شكل المنتج نظيف ومقبول 

اصعب حاجة اني لسه ماعرفتش قوووي ونفسي الناس كلها تجرب حاجتي واكبر المنتجات.

حلمك توصلي لأي؟

نفسي اوصل إن مشروعي يكبر ويبقا معروف وطبعا نفسي يكون ليا براند بس للاسف وسط الظروف الحالية بتاعت البلد والعوائق في فتح اي مشروع صعب جدا.