حوار خاص للتيكتوكر المحقق زوما |اليوم التاسع.

 

حوار: ليلى إمام 

الرسم لديها هو جزء كبير من كيانها وحياتها واقرب صديق لها،  لا يحتاج وقت معين لكي يقف بجانبها.

الفنانة  "سلمى عبد الفتاح" بكالريوس فنون تطبيقية قسم زخرفة، 

شغفها في الفن بأنواعه لكن اهتمامها الأكبر بالفن التشكيلي والبصري،

تعلمت فن وتصميم من خلال الكلية ومكملة دراستها في الفن من خلال ورش وجولات فنية.

هل الرسم موهبة وعلى ذلك دخلتي كلية ليها علاقه بالفن؟ وامتى عرفتي موهبتك ؟

اه هوايتى الرسم من وانا طفلة لكن مكنتش مهتمة إنى ادخل كلية فنية بالعكس كنت عايزة ادخل كلية ليها علاقة بالكمبيوتر بس القدر دخلنى فنون تطبيقية وبعد سنتين فيها مكنتش لاقية احسن منها كلية.

مين بيشجعك على الاستمرار في موهبتك؟

في الأول أمي وأخواتي واهلي وبعدين لما بدأت موهبتى تظهر على نطاق أوسع كانوا الأصدقاء والمتخصصين في المجال الحمد لله.

بتحبي ترسمي اي هل بورتريه ولا انمي، ولي النوع دا ؟

انا اتعلمت الرسم والتصوير اكاديميا اللى بتبدأى فيه بالاساسيات زي الطبيعة الصامته والحية والبورتريه اللى بيخليكى بعد كدا تقدرى تتخيلي شخصيات زي الانمى أو الشخصيات الكرتونية عمتا،

أكتر حاجة بحب اشتغلها البورتريه لكن بشتغل معاه كل حاجة.

هل السوشيال ميديا ساعدتك تتعلمي اكتر والناس تشوف موهبتك؟

اه ساعدتنى كتير إنى اتعرف على الناس وأنهم يعرفوني.

اي الأدوات اللي بتستخدميها في الرسم هل بترسمي رصاص أو فحم أو اكريلك؟

كل ما سبق الحقيقة بحب ارسم أى شئ وبأى خامة بس خاصة الزيت.

هل لديكِ قدوة في هذا المجال؟

لا مفيش حد واحد اقدر اذكر اسمه لأني مش بس بتعلم من الدكاترة والفنانين الحاليين لكن كمان من فنانين الأجيال الماضية.

ممكن تحكيلنا هل الأفكار بتجيلك منين، وهل دا بيحتاج منك انك تهييء جو معين عشان ترسمي؟

اغلب الأفكار بتجيلى من مواقف بعيشها أو مشاعر قوية بحسها

بس مش لازم يتهيأ جو معين عشان اطلع المشاعر دى ..مجرد ما بحس انى عايزة ارسم برسم ودا بيحصل طول الوقت.

اي معنى الرسم بالنسبة ليكي ؟

 

الحلو في الرسم انك ممكن تطلعي مشاعرك في خطوط مش واضحة مش لازم تبقى لوحة كاملة ف هو معايا على طول وفي أى وقت.

إي هو حلمك؟

ليا احلام كتير ..بس لو هنتكلم عن حلمي في حياتي العملية فأحب إنى أكبر واتعرف كفنانة تشكيلية أو بصرية.