 |
| الفوتوغرافر آية محمد |
كتبت: ليلى إمام
مصورة مبدعه بأعمالها وأفكارها وفنانة فوتوغرافر عشقت أناملها مداعبة الكاميرا لتلتقط أجمل الصور وأروعها والتي أظهرت لنا في زواياها الكفاءة والإبداع، الفوتوغرافر " آية محمد مصطفي الديداموني" ، تبلغ من العمر 16 عاما، من محافظة الشرقية.
منى بدأتِ تصوير؟
من وأنا صغيرة وأنا بحب التصوير جدا وبحب اصور اي حاجة،
بس بدأت انمي نفسي اكتر فيه من 3 سنين في فترة كورونا،
وبدأت اطور نفسي اكتر واكتر لحد ما وصلت لمستوى كويس انا راضية عنه.
إزاي بتنمي موهبتك؟
عن طريق التغذية البصرية
والممارسة وبتعلم من اخطائي وابدأ احسن من نفسي اكتر.
مين بيشجعك إنك تكملي؟
بابا وماما واخواتي وصحابي هما ديما بيشجعوني.
بتحبي تصوري أي في الطبيعة ؟
في البداية كنت بحب أصور الأكل والمنتجات، بس حاليا بقيت مياله أكتر ل تصوير الشارع والطبيعة.
هل السوشيال ميديا ساعدتك إنك تتعرفي، وإنك تتعلمي أكتر؟
ايوه طبعا كانت عامل مهم جدا بالنسبالي ساعدتني أظهر صوري اكتر والناس تعرفني اكتر واني اعرف ناس في نفس المجال بتاعي.
هل التصوير يؤثر ع دراستك؟
لأ ، لاني بعرف انظم وقتي وأوازن بين الاتنين.
هل في صعوبات بتواجهك؟ أو اي انتقادات اتقدمتلك؟
اكيد بس مكنتش بركز معاها بركز مع حلمي وبس.
هل أخذتي فكرة إنك ممكن تصوري سيشن؟
معرفش بصراحة بس لو وصلت لمستوى كويس ومعايا معدات كويسة ممكن أفكر.
أي أكثر صورة ليها ذكرى معاكي وعجبت ناس كتير؟
الصورة دي لأنها كانت من احسن الصور اللي صورتها في بدايتي.
اي مفهوم التصوير بالنسبة ليكي؟
التصوير بالنسبالي كل حاجة
بقدر من خلاله اسجل اي لحظة بعيشها في حياتي و تفضل معايا دايما.
كلمينا عن أساسيات التصوير ؟
الاضاءة من أهم العوامل اللى بتفرق جدا في الصورة
وزاوية التصوير مهمة جدا
والتكوين
وطبعا الايديت.
ما هي مميزات المصور الناجح من وجهه نظرك؟
طموح ومبدع وموهوب وعنده القدرة انه يلقط كادر كويس بمجرد النظر.
مين قدوتك في المجال؟
علي هسلر وابو طالب وعبد الرحمن صلاح.
نصيحه لكل مبتدئ في هذا المجال؟
السعي والاستمرارية والتعلم من اخطائك هيوصلوك لكل حاجة بتتمناها
و تذكر دائما [ وَأَن لَّيْسَ لِلْإِنسَانِ إِلَّا مَا سَعَيٰ وَأَنَّ سَعْيَهُ سَوْفَ يُرَيٰ ثُمَّ يُجْزَاهُ الْجَزَاءَ الْأَوْفَيٰ ].
كلمتك الاخيره لليوم التاسع؟
اتمني للجريدة كل التوفيق وكل الشكر لكل القائمين عليها.الفوتوغرافر آية محمد في حوار خاص لليوم التاسع نيوز.
تعليقات
إرسال تعليق