 |
| أسامه حمدي |
كتبت / سلسبيل حسين
كلنا بنتوه في المترو ، محدش ركب المترو ومتهش ، محدش معندهوش ذكريات مع المترو بأنه ركب غلط ومعرفش يتصرف ولكن أسامه حب يساعدنا وقدم لنا الحل .
"أسامه حمدي" هو صاحب الواحد وعشرين عام ابن محافظة الجيزة ، يدرس تجارة انجلش جامعه القاهرة .
الفضول وحب المعرفة والتعلم أخده أنه يتعلم برمجه وتصميم ابتدى في البرمجه من وهو في الصف الاول الجامعي .
قال " حسيت الموضوع شاددني أني أكتب اكواد و حاجات غريبة وبقعد أشوف النتيجه ، الموضوع كان ممتع فا بدأت أكمل ويزيد فضولي واتعلم أكتر "
ولم يقف التعلم معه إلي تنفيذ أبلكيشن فقط هو أيضاً يأخذ الموضوع بالمتعه .
ينطبق مقولة " حب ما تعمل حتى تعمل ما تحب " علي أسامه لآنه احب البرمجه وأصبح في عمر صغير صاحب الابلكيشن الاكثر استخداماً حتى الآن .
أضاف " أسامه " في حديثه إلينا ان والدته و اخواته الأكثر تشجيعاً له وقال " بيساعدوني في الموضوع دة دايما من حيث لو فيه فلوس او حاجة بيدفعوها او بالكلام الحلو والتشجيع هما موجودين جمبي ديما "
وبعد فضل الله عليه ثم والدته واخواته يأتي دور السوشيال ميديا لم يتوقع ان سيحدث هذا التفاعل الضخم على الابلكيشن " كنت بلاقي عدد الشير كبير جدا مقارنه بالطبيعي اللي عندي " .
نحتاج دائما إلي التشجيع والدعم المعنوي قبل المادي وبعد دور أهل " أسامه " آتى دور صحابه قال " صحابي كانوا بيعملوا شير والناس كلها كانت بتنبهر بالفكرة الموضوع انتشر جدا بسبب الشير والتفاعل ".
لم يوجود حتى الان حلم محدد لـ " أسامه " لأنه بمرور الوقت بيتغير هدفه و اتجاهاتها ولكن حاليا يحلم بـأن الابلكيشن يكبر ويحقق أكبر نجاح وأنه يقدر يضيف كل التعديلات اللي طلبتها منه الناس .
أضاف " أسامه " ان هذة التعديلات لما تكن سهله أبدا بل انها تحتاج إلي الكثير من المذاكرة والجهد .
لا يوجد شئ ناجح يحدث بدون صعوبات والصعوبات التي وجهت " أسامه " كانت أنه لأول مرة يعمل حاجة مثل هذة وأيضا انه لم يكن يملك الكم الكافي من المعلومات اللي تساعده في فعل الكثير من هذة التعديلات والتطوير وقال " محتاج حد زي يكون عنده خبرة شوية يساعدني في الابلكيشن انه يتحسن مثل الأكواظ يقول أذاكر أية لأن كل مذكرتي أون لاين والموضوع صعب شوية " .
حب ان يضيف " أسامه " أيضا طريقة استخدام الابلكيشن لانه بذل جهد كبير ليجعله اكثر سهولة للمستخدمين وقال " بلكيشن Egypt metro
موجود علي google play
بيساعدك فالمترو و ازاي تقدر توصل بسهوله للمحطه اللي عايزها ، زي انك بتكتب فيه انت ف محطه ايه و عاوز تروح محطه ايه ، وهيقولك الطريق بالتفصيل زي انك هتركب خط ايه ؟ واتجاه ايه ؟ ولو فيه تحويل هيقولك هتحول من محطه ايه وهتروح خط ايه واتجاه ايه
وهيقولك الوقت الي هتقعده جوا المترو
وسعر التيكت
وعدد المحطات
وكل المحطات الي هتعدي عليها
وكمان بيجيبلك اقرب محطه ليك ويوديك ليها عن طريق google map "
تعليقات
إرسال تعليق