مروان عامر يروي مسيرته من الصفر، واصراره للوصول وكسر حاجز المليون ونصف متابع.
كتب أحمد ناجح صيد
مروان عامر والشهير ب(مروان ميروو) والذي يمتلك مليون و٦٠٠الف متابع على منصة تيك توك غير انه يمتلك منصة في يوت يوب ومنصات اخرى.
وقال مروان عن بداياته:
بدأتها من الصفر زي مبيقولو وطلع عيني علشان اوصل للي انا فيه حاليا.
وبالنسبة للدعم محدش دعمني.
انا من زمان وانا بحب التمثيل ف لقيت ان التيك توك هو الحل الوحيد علشان ابين موهبتي فيه انا والتيم وابتدينا مع بعض نمثل.
وقال مروان حينما سؤل عن هل يكتب اسكريبتاته ام يقلد: بكتب وساعات بقلد الصراحه.
وقال: حلمي اني ابقي ممثل زي باقي الممثلين.
واجهتني مواقف كتير تهد جبل ومنها اكتر حاجه كسرتني الغدر من كذا شخص غالي عليا غير بقى الماديات الي من قبل مدخل السوشيال كانت صعبه شويه بس الحمدلله دخلت ف السوشيال ميديا وكملت وموقفتش وفضلت اعافر لحد محققت نص حلمي وان شاء الله هحقق النص التاني.
وقال عن انتاج فيديوهاته: انا اللي بمنتج لنفسي.
وقال أيضًا في حواره: اتمنى لليوم التاسع الاستمرار ف تقدمه وانشاء الله جريدة اليوم التاسع هتبقي رقم واحد ف اظهار المواهب وديما ف تقدم وتحياتي لجريدة اليوم التاسع.
كلمة اخيره لأي شخص اوعى توقف حلمك ب الكلام السلبي اللي بتسمعه من هنا ومن هنا علشان لو وقفت انسى انك تحقق حلمك خد الكلام السلبي ده واشحنه جواك ب انه تحدي واثبتلهم انك انت الي صح وحقق حلمك واوصل للهدف اللي نفسك فيه وحققه.
مروان بيهدف لتحقيق حلمه أدائه جيد ومحتواه محترم ربنا يوفقه
ردحذفناجح دايما يامروان ربنا يوفقك ودايما في تقدم
ردحذفألف مبروك يقلب اخوك اقسم فرحتلك يمروان
ردحذفمروان انا سعيدة بيك الله يوفقك ويكرمك انت مجتهد ولكل مجتهد نصيب حقق حلمك وحدد هدفك هتوصل بأمر الله
ردحذفربنا معاك يحبيبي ويعينك❤️
ردحذفألف ألف مبروك بالتوفيق الدائم والتقدير يا مروران
ردحذف