كتب أحمد ناجح صيد
فارس عبدالرحمن علي والشهير بـ(فارس فانتا) صاحب ال20 عامًا، ابن محافظه المنيا والذي يعد طالبًا بكليه اعلام جامعة المنيا.
قال فارس حينما سؤل عن كيف كانت بدايته:
كنت بعمل فيديوز عادي ومكنش في دماغي شهرة ولا أي حاجة ف اتعرفت على اصحابي ف التيم حاليا وبدأنا نعمل فيديوز مع بعض بغرض الترفيه وكدا وبعد كدا الحمدلله واحده واحده ابتدينا نتشهر إن احنا احسن صحاب في مصر.
وقال حينما سؤل عن من كان داعمًا له:
في الأول كنت بلاقي اعز اصحاب ليا اللي هما بعيد عن السوشيال بيضحكو ويتريقو عليا ومفيش حاجه دعمتني غير الهدف والحلم اللي عايز اوصلو، وكمان فانزي اللي هما اخواتي اللي كانو ف ضهري.
وكان رده على سؤال كيف فكر في أن يصبح منشئ محتوى في موقع تيكتوك قائلًا:
هو دا أصلاً من فتره كبيره كنت بعمل فيديوز برايفت وكنت بخاف انشرها علشان محدش يتنمر عليا وكدا لحد ما عملت فيديو واحد وقررت اني انزلو لاقيتو الحمدلله تريند ف بلدي وبعد كدا قررت اني انزل الشارع اصور فيديوهات بموهبتي كممثل.
باخد افكار من حاجات واقعيه بتحصل معايا ف الشارع ومواقف فيها حكمه وموعظه ونصيحه للناس بمعني اني عايز اوصل رساله بموهبتي كممثل وممكن اكون بتعلم مش بقلد من الممثلين الكبار.
وقال فارس أيضًا: هدفي اني ابقى ممثل سينما او تليفزيون او مسرح.
وكان من ضمن الصعاب التي واجهته:
اني سبت الحرفه اللي كنت بشتغل فيها وجيب فلوس منها واتجه اني اعمل تيك توك مع انو مبيدنيش فلوس وطبعا الضغط من اهلي واصحابي والتريقه والتنمر اللي كنت باخدها.
أنا بألف فكره وبخرجها وبصورها وبمنتجها وبرفعها لوحدي الحمدلله مع اني بواجه كتير اووي من المشاكل اللي بتصعب عليا مشوواري
وقال فارس في حواره: أحب اشكر جريدة اليوم التاسع الناس المحترمه اللي وصلو صوتي للناس اللي مكنتش تعرف انا بتعب قد اي.
وكانت نصيحة فارس لكل من يريد الوصول إلى هدفه:
انا تعبت كتير، اووي والله واتشمت واتخانقت واتريقو عليا عشان عندي حلم وعندي هدف انا مكنتش احلم اني ابقي 10الاف على تيك توك والحمدلله دالواتي انا داخل عالتلاته مليون متبصش لكلام حد ولا نظرتو ليك هوو كدا كدا هيتشرف بيك لما أنت تنجح وتحقق هدفك.
أن شاء الله تحقق كل اللي نفسك فيه انت تستاهل كل خير يا احلي فانتا في الكوكب كله ❤️❤️
ردحذف