حوار: ليلى إمام
عرفينا بنفسك؟
رولا نبيل درست إدارة أعمال وبشتغل في مجال السياحة من ١٦ سنة، مقيمة في الامارات العربية المتحدة وأم لولد وبنت
متى بدأت الكتابة؟
بدأت الكتابة من ١١ سنة ولكن دون النشر، وقررت أبدأ أول رواية من خمس سنوات، والتحقت ب ورش عمل مكثفة لدراسة كتابة السيناريو.
ما اللون الأدبي الذي تفضلي كتابته ولماذا؟
بفضل أدب الجريمة، والنفسي.
خصوصًا لاني بحب حل الألغاز ولملمة الخيوط، وبعد الدخول في عالم علم النفس اكتشفت ان نفسية الانسان جواها عالم تاني
ماذا تعني الكتابة لكي؟
الكتابة بالنسبة لي علاج، بوابة بدخل منها لعوالم وأزمنة مختلفة مافيهاش قيود وعقد، زيها زي التأمل واليوجا والموسيقى.
حدثينا عن كتاباتك؟
بحب أكتب عن أشياء مختلفة، مواقف ممكن تفيد الناس، أو صفات صعبة وإزاي نتعامل معاها، كتاباتي مش لازم تكون عن حالات شخصية عشتها، ولكن من دخولي جوه حكايات وتفاصيل يومية بلاقي نفسي بكتب لا إراديًا كلام بكون محتاجه حد يقولهولي.
هل اطلق عليكِ لقب في المجال الأدبي ؟
رولا (فوجو) او بتاعت السمكة
ما العمل الذي تشاركِ به في معرض الكتاب ٢٠٢٣؟
شاركت بروايتي الأولى فوجو في معرض القاهرة الدولي للكتاب ٢٠٢٣ عن دار كتبنا، والحمد لله كان ليها مردود ورد فعل إيجابي من القراء.
اعطنا نبذه من كتاب ليك؟
رواية فوجو، بتدور أحداثها حول صراع البطل مع حقيقة الصدمة ال بيتعرض ليها وبين مرضه النفسي و هلاوس عقلة ال بيوصله في الأخر لحقيقة الأمر.
ما ردك على من يقول أن هناك معيار للكتابة ومن خلالها يحدد نجاح الكاتب أو العمل تبع هذه المعايير هل هذا صحيح أم أنه ليس هناك معيار؟
الكتابة موهبه وأكيد ليها معايير، أي شخص ممكن يدرس مباديء وأصول السرد ويكتب قصص من خياله، ولكن مش كل الناس تقدر تربط الحبكة وتصور الفكرة وتعرضها في خيال القاريء، لو الموهبة مش موجودة.
اعطي نصيحة لمن يريد التمكن من الكتابه الصحيحة؟
أكتب في كل الأوقات واختار فكرتك ولملم تفاصيلها من القراءة والافلام بدون استعجال، لان الاعادة والمراجعة بتبين تفاصيل صغيرة ممكن تدخل حكايتك قلب القاريء ويعيش معاها كأنه عايش مع ناس موجودين فعلًا أو تمر مرور الكرام ومش هتسيب أثر.
تعليقات
إرسال تعليق