حوار خاص للتيكتوكر المحقق زوما |اليوم التاسع.

 

كتبت: ليلى إمام 

اللاعبة "ياسمين ياسر فاروق" المعروفة ب "ساسي" ، أول لاعبة كرة قدم من المنصورة تنضم لمنتخب مصر الاول للسيدات.

ياسمين ياسر مركزها الاساسى فرود ، بدأت الكورة من سن صغير ولكن غير منتمية لأى نادى ، الفكرة والمعتقدات حجمتها إنها تلاقى أى فريق تقدر تلعب فيه ويكون بشكل رسمى وتثبت وجودها وإن ليها حق في ممارسة تلك الرياضة.

كيف بدأتي؟

 بدأت أبحث وعرفت إن في فريق في ميت غمر بنات بيتدربوا ، اتكلمت مع والدتي ( رحمة الله عليها ) وبدأت اقنعها بأني هسافر من المنصورة لميت غمر كل تمرين عشان بس اتشاف.

كيف واجهتي كلام الناس والانتقادات؟

 واجهت كلام كتير من الناس إزاى بنت تلعب كورة وإزاي تلعب لعبة ذكورية، لكن والدتي دعمتنب وساعدتني في الطريق اللي اختارته ، وقد كان اتدربت ٦ شهور فقط في ميت غمر مع كابتن إبراهيم التنين واتعرفت وقتها في وقت قصير جداً ، كابتن محمد حماده مدرب فى طلائع المنصورة وعدة أندية عرفها واتواصل معاها وبدأت معاه مسيرة طويلة حوالي ٥ سنوات في مختلف الاندية وكان الداعم والاخ والصديق قبل كونه مدرباً.

ما النوادي التي التحقتي بها؟

 بدأت المسيرة بطلائع المنصورة ثم مركز شباب اجا لموسمين من درجة تانية ثم الصعود للممتاز ثم الانتقال لمركز شباب الخيارية وأصبحت لاعبة ومدرب مساعد ، وبدأ اسم ساسى يتكرر على ألسن اندية كبيرة إلى أن وصل لمنتخب مصر وهنا الحلم البعيد اللى كان عند طفلة لم تبلغ سن العاشرة اصبح واقع ملموس، تحدثت ادارية منتخب مصر كابتن سونيا إلى مدير الكورة بمركز شباب الخيارية كابتن محمد حسن واخبرته بوصول استدعاء لفرود الفريق كابتن ياسمين ياسر فاروق وبدأت أول تمرين مع المنتخب 7/6/2023 ، ومازالت الرحلة لم تنتهى بل هي في المقدمة.

 سوف انتقلت خلال اسبوع واحد فقط إلى منظومة SAK فى القاهرة وتم الاتفاق معي للامضاء وخلال أيام قليلة سأنتقل رسمياً.

تحبي توجهي رسالة أي للبنات؟

رسالة من ساسى إلى كل البنات والسيدات ( البنت مكانها مش المطبخ والبنت مش اخرها تقعد فى البيت .. البنت تقدر تكون زيها زى الراجل بالظبط وانا مكانى الملعب .. اسعى للى بتتمنيه مهما قابلتى من صعوبات واحباطات ركزى ف طريقك بس وسيبى الباقى على ربنا .. الناس اللى بتنتقدك وبيحبطوكى هتلاقيهم اول ناس في الصف اللى بيصقفولك .. حلمك بتعبك تحققيه وانت تقدرى ).