حوار: ليلى إمام
عرفينا بنفسك؟
سارة مصطفي عثمان، عندي
٤١ سنة.
متى اكتشفتي هذه الموهبة؟
الوهبة عندي من زمان
بدأت هاندميد من الطفولة زي بنات كتير امهاتهم بيشترو ليهم خرز ويقعدو يلضمو ويشغلو وقتهم
وكبر معايا شغفي للحلي
وكمان في الكلية كان في مادة اسمها اشغال المعادن
اتعلمت فيها النشر على خامة النحاس وشغل سلك النحاس
بجانب الڤرڤورچيه بردو بشرايط النحاس المرنة.
بدأت تطبقيها وتشتغلي بيها امتى؟
جتلي فكرة الجروب من فترة انتشار الكرونا،
أخدت اجازة من الشغل عشان اولادي
وقتها فكرت ان اعمل جروب اعرض فيه شغلي
لأن كنت بالفعل بشتغل اكسسوار هاندميد...للمقربين مني بس وكمان وقت معرض المدرسة.
هل السوشيال ميديا ساعدتك انك تتعرفي أكتر؟
بالنسبة للسوشيال ميديا
لسة مش عندي متابعين كتير
جروبي يعتبر صغير.
مين بيشجعك؟
اخواتي واصحابي وكل المقربين ليا بيشجعوني كتير..بس للاسف بشتغل لوحدي لسة مش معايا حد يساعدني...ومحتاجة طبعا دا جدا.
منين بتستوحي أفكار شغلك؟
الحقيقة افكاري كلها من خيالي
بس بردو بتفرج كتير ...بحيث ان ابقي عارفة بس الموضة ايه و الترندات ايه و بعدين اخترع انا
بس ابقي ماشية علي نفس خطوط الموضة الحالية.
إي أكتر صعوبات بتواجهك؟
أكبر صعوبات طبعا أول حاجة إني لوحدي
تاني حاجة الخامات وكل شغل الهاندميد عموما بقي مكلف
تالت حاجة اني ام ومسئولة عن اطفال محتاجين كل وقتي.
حلمك توصلي لإي؟
حلمي اني اعمل براند بتصميمات خاصة بيا وان يكون عندي ورشة صغيرة اعمل فيها كل المراحل الشغل اللي بحتاجها.
تعليقات
إرسال تعليق