الكاتبة مروة طلعت في حوار صحفي لجريدة اليوم التاسع نيوز.

كتب أحمد ناجح صيد

مروة طلعت صاحبة ال39 عام خريجة تربية عين شمس قسم لغة إنجليزية، مقيمة بمحافظة القاهرة

بدايتها في الكتابة سنة 2020، بينما بدايتها في القراءة منذ عمر التاسعة، كانت ومازالت أسعد لحظاتها هي وقت شراء الكتب ومن المعروف أن الذي يقرأ كثير يأتي له وقت يحب فيه أن يخرج أفكاره على الورق وكانت بدايتها في الكتابة هي كتابة انطباعاتها ورؤيتها الشخصية عن الكتب.

قالت مروة:

أول الروايات اللي بقراها وفضلت فترة اكتب لحد ما تبلورت فكرة إنشاء صفحة خاصة بيا بإسم عايمة في بحر الكتب، ومن حبي في التاريخ والآثار بدأت اكتب حكايات من التاريخ بس باللهجة العامية بأسلوب الحكاواتية وكأني بحكي حدوتة بأسلوب مبسط وبسرد قصصي.

أخترت الكتابة كطريق لأنه شغفي اللي فضلت سنين أدور عليه.

اللي شجعوني كتير زوجي وأصدقائي ومتابعين لحكاياتي على صفحة عايمة في بحر الكتب اللي بتعجبهم حكاياتي.

أول كتاب صدر ليا كان السنة اللي فاتت بعنوان أساطير حية وده كتاب عرضت فيه 20 شخصية من الفدائيين والأبطال والعلماء المنسيين في تاريخ مصر، وكتابي السنة حدوتة مصرية أن شاء الله هنزل في معرض القاهرة للكتاب 2024 فيه 35 حكاية من تاريخ مصر من أيام مصر القديمة لحد عصرنا الحالي.

طموحي كبير وثقتي في الله كبيرة أني أوصل لكل الناس وحتي اللي مش بيقرا أشجعه علي القراءة وأعرفه تاريخه لأن التاريخ دايما بيكرر نفسه والحكيم هو اللي ياخد منه عبرة فاللي ملوك ماضي ملوش حاضر ملوش مستقبل. وكمان بحلم أكبر قناتي عايمة في بحر الكتب ع اليوتيوب اللي بعرض فيها حلقات بإسم حدوتة في رحلة بزور فيها أماكن أثرية وأحكي حكايتها.

أهم الانتقادات هي أني بكتب بالعامية فيه ناس معترضة وناس رحبت لكن زي أي حاجة جديدة الناس بتستغربها في الاول وتخطتها لاني مقتنعة بهدفي أن التاريخ لازم يخرج من قولبة الوثائقيات عشان يوصل لكل الناس ببساطة.

نهايةً تلقون كتاب حدوتة مصرية في دار ساحة الأدب صالة 1 جناح B14.