تمارين النفس للأطفال

يعني إيه تمارين نفس؟

دي تمارين بسيطة بتعلّم الطفل ياخد نفس بطريقة منظمة وعميقة، وده بيساعده يهدى، يركّز، وكمان يقوي عضلات الفم والصدر.

فايدتها إيه؟

تهدئة الطفل وقت العصبية أو القلق.

زيادة التركيز والانتباه.

تحسين النطق وتقوية النفس عند الكلام.

مساعدة الأطفال اللي بيعانوا من مشاكل في النطق أو التنفس.

بنستخدمها مع حالات إيه؟

تأخر لغوي.

تشتت وفرط حركة.

توحد.

مشاكل في النطق أو مخارج الحروف.

قبل أو بعد الأنشطة اللي بتحتاج تركيز.

---

أمثلة لتمارين تنفس للأطفال

1. نفخ البلالين

خلي الطفل يمسك بلونة وينفخها بهدوء. ده بيقوي عضلات التنفس وبيخليه يتحكم في نفسه.

2. فقاقيع الصابون

الطفل بينفخ في العصاية بتاعة الفقاقيع وينفخ بهدوء عشان الفقاقيع تطلع كتير.

3. شم الوردة ونفخ الشمعة

يعمل نفسه بيشم وردة (شهيق من الأنف)، وبعدها ينفخ شمعة (زفير من الفم) ببطء.

4. تمرين العدّ

ياخد نفس عميق يعد فيه لحد 3، وبعدين يخرج النفس يعد فيه لحد 4.

5. تمرين الريشة أو الورقة

يحط ريشة أو ورقة قدام فمه وينفخ عليها ويحاول يخليها تطير أو تتحرك.

نصيحة: التمارين دي تتعمل في جو هادي، وبشكل ممتع، وممكن تدمجيها مع اللعب عشان الطفل يتحمس.

اليوم التاسع نيوز