كتبت دعاء طارق.
دعاء جمال شاعره تبلغ من العمر 22 سنه وهي أحد أبناء السوهاج ولها عدت دواوين وأشهرهم ( عايشينها إزاي )
درست العديد من المجالات منهم الخياطه والمونتاج والهندسة الصوتيه وبدائت مشوارها من سبع سنوات ولكنها ظهرت علي أرض الواقع منذ عام ونصف
ولاول مره ( عايشينها إزاي ) من الشاعره ( دعاء جمال )
لو تعيشو فـ يوم مكانهم
أو للحظة من حياتهم
كنتو حسيتو بمرارهم
خُلْق ضيق في مزاجهم
عشنا نحلم بالتغيُّر
أسئلة من نار تحيَّر..!
وفـ معيشتنا تمرَّر
والممات مشهد مكرَّر
إمتى نحيا في حِمَاها ..؟
والبِنَا يِعْلى لسماها
نبقى ليها بجد ناسها
نفتخر باللي حَمَاها..
وفـ عنينا جمالها سارح
كُحْلَها يملى المطارح
دا الخَضَار زيِّن عيونها
كل شارع فيها طارح
مصرنا المولى بَرَاها
خصَّها وعطّر ثَرَاها
بحرها المالح حلاوته
فاقت الدنيا فـ حَلَاها
واسألو عاللي بناها
كل يوم والتاني أحلى
فرحنا أصبح فرايح
بحرها والنيل حبايب
للي جالها واللي رايح
ومش هداري يا بلادي
ليه ظلمتيني وولادي ..؟
والحقيقة المرة عاشها
مصطفى ومينا وشادي
شعبها بينام ويصحى
عـ الألم والفقر جارح
يزرع الآمال جناين
يلقى فيها اليأس طارح ..!
كيف هنسعى للتطور ..؟
جهلنا أصبح مدارس
مَشْفيات تشغي بمرضنا
وفـ عذابها الكل دارس
والجهالة العمية صارت
ضلمة متعاصة بمرارة
وفـ بطون الظلم متنا
تهنا عن رَكْبِ الحضارة
ومين عليها منَّا راضي
عاللي بنشوفه السعادي!
شقيانين والقهر بايت
فوق نفوسنا...ظلم قاضي
أجنبي ناهب حقوقنا
والغريب فيها يدوسنا
فين مـ اروح ملقاشي حقي
والطابور ياكل مداسنا
البلد دي ساكنه فينا
هيَّ أروحنا وعنينا
ومهما تظلمنا ونبكي
حبها مسيطر علينا
من طينتها نَمِتْ عظامي
وفـ طينتها يكون ختامي
علمتني وكبرتني
هيَّ أمي ..!
مهما اعاتبها فـ كلامي
عيِّشتْنا فـ صورة باهتة
صورة ناقصة من حنانها
يعدل المايل ميزانها
والحقيقة فيها منها
من دموعنا ومن شجنها
والعَلَم يبكي فـ عيونها
مصرنا أم الغلابة
قلب نابض بالطيابة
فوق جبينها هرم لخوفو
يحكي للدنيا المهابة
والدَّفـا فـ ليلك حاضنَّا
ومهما نبعد فيكي بيتنا
فيكِ أحلامنا اللي ماتت
واللي جاي في عيون ولادنا
يا بلادنا ... يا بلادنا
ليه بنعشم فيكِ دايماً
بالغريزة اللي فـ وريدنا ..؟
بالغريزة اللي فـ قلوبنا
ما انتِ كلك فينا ساكنة
بالشوارع والحواري
دي الكنايس فيكي مَدْنَهْ
واكدت أنها بعام 2022 هتشارك بمعرض القاهره الدولي بديوان "الاكتبُفوبيا" و بختام حديثها صرحت عن سعادتها بمشاركتها لهذا العام بمعرض القاهره الدولي.
 دعاء جمال شاعره تبلغ من العمر 22 سنه وهي أحد أبناء السوهاج …){kind=link}
تحفه ربنا يفرح قلبها ويوفقها
ردحذف