كتبت: ليلى إمام
الرسام إبراهيم أشرف عمار، يبلغ من العمر 16 عاما، من محافظة الشرقية تحديدًا مركز الزقازيق.
امتى اكتشفت موهبتك؟
بدايتي في الرسم كانت إن انا كنت بحب ارسم وشوش ناس بحبها أولهم كانت والدي كنت بحب ارسمه اوي ف الموضوع تطور أن بقيت برسم أشخاص
بس الملامح والظل ودرجات الظل مكنتش مضبوطه ف بدأت اتعلم إزاي اضبطهم وتعلمت من النت واتعملت مع مهندس رسم وفضل يعلمني لحد ما بقيت بعرف ارسم بورتريه بطريقه اسمها المربعات الصغيره، اللي هو اقسم الرسمه لكذا مربع وارسم لغايه ما تكون الرسمه كامله بنفس دقة الملامح.
الرسم بالنسبالك هواية وكان حلم ليك ولا لأ ؟
هو كان الأول هوايه وكنت بطلع فيه طاقتي كنت بحب كل شويه اقعد ارسم وافتح اغاني واهدي الجو وارسم ومبسوط باللي رسمته بس كان بيجيلي إحباط لما الاقي الرسم كتير وفي الاخر رسمات تترمي وتتنسي.
كلمنا عن مجال الرسم أكتر؟
مجال الرسم ده حاجه كبيرة حاجه مش مجرد شخبطه على الورق ولا رسم حاجه تعجب لا
دي حاجه احسن مليون مره من طبيب نفساني بستمتع وانا قاعد وشايف أن أنا اللي بعمل الحاجه الحلوه وبتعبر بيها على الحاجه الحلوه.
ماذا تحب أن ترسم؟
بحب ارسم أشخاص أو تعبيرات وشوش أو شخصيات شكلها حلو سواء كانت كرتونيه أو بشر بحب جمال الوشوش اللي ربنا خلقها وكان طول عمري شايف أن مفيش حد وحش كل البشر حلوين ف بحب احاول ارسم وشوش شبه الحقيقه وتعبيرات الوش علي شكل بورتريهات.
مين كان بيشجعك ديما إنك تكمل؟
كان ديما ناس قليله زي والدتي ووالدي بيشجعوني بطريقه كبيرة علشان كانو نفسهم حد يشجعهم كده وهما صغيرين ف بيشجعوني اوي اوي فوق التخيل وكان كمان الناس اللي بتشجعني ناس قليله من صحابي اللي قريبين مني اللي بحبهم وهما بيحبوني اللي ديما حابين ليا الخير علشان أنا بخاف اخد خطوه وهما ديما اللي عايزني أخد الخطوه من غيرهم مش هرسم اصلا علشان أنا شخصيه بخاف من التجربه.
ازاي السوشيال ميديا ساعدتك أن الناس تشوف رسنك واي تعلقهم ؟
كنت ديما لما بعجز على حاجه في الرسم كنت بفتح واقعد اتعلم عنها ازاي اعملها وكده وكان ديما لما بشوف رسمه حلوه احاول ارسمها وبتعجبني لدرجه ان أتمني أن يكون عندي القدره أن ارسمها وده بيساعدني علي أن احاول اتعلم اكتر وارسم.
عاوز تحقق اي من خلال الرسم؟
عايز كلو يشوف رسمي مش عايز مثلا تترمي و عايز تتقدر بس علشان دلوقتي حتى لو روسماتي صغيره ومش بتكلفه كبيره بكره هتبقي بتكلفه ف أتمني أني اكون معروف في مجال الرسم.
تعليقات
إرسال تعليق