كيفية التعامل مع طفل التوحد
الأخصائية/هانم علي
لما طفل التوحد يغضب... نعمل إيه؟
كتير بنشوف أطفال التوحد بتجيلهم نوبات غضب، ودي حاجة صعبة علينا وعليهم بس فيه خطوات بسيطة ممكن تساعدنا نتعامل معاها صح:
1. إفهم السبب!
كل عصبية ليها سبب يا جماعة! مش دايماً دلع ممكن يكون:
* حاجة مضايقاه: زي صوت عالي ، نور قوي ، أو ريحة معينة
* الروتين اتغير: هما بيحبوا النظام، وأي لخبطة بتوترهم
* مش عارف يقول: مش قادر يعبر عن اللي عايزه أو اللي حاسس بيه
* تعبان، جعان، أو بيتألم.
الخلاصة: ركز شوف إيه اللي حصل قبل العصبية على طول. ده هيخليك تفهم السبب وتتجنبه المرة الجاية!
2. إهدى وإتكلم بهدوء.
لما الطفل يكون في عز غضبه، صوتك العالي بيزود النار!
* صوتك هادي وواضح: قول كلمة أو اتنين، زي "إهدأ" أو "إقعد هنا".
* إديله مساحته: ممكن يحتاج مكان لوحده يهدى فيه شوية.
* مفيش نقاش: في الوقت ده مش هيفهم أي كلام كتير.
الخلاصة: خليك ثابت وهادي. وفرله جو آمن لحد ما نوبة الغضب تخلص.
التعامل مع الغضب ده محتاج صبر وطولة بال، بس مع الفهم والتدريب، الأمور بتتحسن كتير جدًا!
تعليقات
إرسال تعليق