الرفض = حب

الرفض = حب

كتبت روميساء هاني.

الرفض = حب

إزاي؟!

يعني كل معاني الحب هتظهر تجاه نفسك وفي الآخر لما ترفض طلب مش هيكون طالع من قلبك بكل حب.

يعنى لو هتقوم بطلب لشخص فيه حدود:-

✓ إنك ترضيه

✓أو علشان خايف منه

✓ أو علشان متحسش بالذنب

✓ أو علشان ده واجب ومفروض عليك

✓ أو علشان تشتري حب أو ود أو رضى

✓ أو علشان تحصل على جائزة أو خايف من عقاب

يبقى بلاش تعمله طول ماهو مش طالع من قلبك

ليه؟

بكل بساطة ياصديقي

هتكون عندك بعض المشاعر السلبية وعوامل الرفض الداخلية تزيد زي:-

الكره، العصبية، الغضب ومش بعيد هتكون بتعمل الطلب ده وأنت بتدعي على الشخص وتشتم فيه،

الأخطر بقى وخلي بالك منه هى الأميجدالا اللي وظيفتها تشيل عوامل الرفض وتضغط على الخلايا العصبية وتحفز الذكريات المؤلمة عندك مما يؤثر على الجسد بشكل سلبي؛ ودا كان بسبب إنك كشخص مرفضتش الطلب وعملته غصب عنك

هتفضل تقولك أنت شخص سلبي أنت شخص ضعيف، وحش، وهتزود من كل حاجة سلبية وتضغط على خلايا مخك اللي هتقوم بدورها برضو وتدمر أعصاب جسمك من عينيك لإيديك لرجلك وحتى القولون هيتأثر.

مثال بسيط

⬅️ وأنت صغير والدتك ممكن تطلب منك طلب بس أنت مش عاوز تعمله فتغصب عليك سواء بالضرب أو المشاعر أو الكلام السلبي يخليك مضطر تعمله وأنت مش طايق ولا قادر

من هنا هتلاقي عندك (تانيب ضمير _عصبية _غضب_ملل)

ومن هنا كل مرة حضرتك بتعمل موقف رافضه بدون حب بيزيد كرهك للشخص تخيل كدة .....

وده في نفس الوقت في كل العلاقات

لما هترفض مش معناه إنك بتكره الشخص أنت بتحبه بس مش قادر تديه طلبه بشكل سليم

~~~~~~~~

يعنى ياماما أنا لما مرضيتش أكنس البيت علشان أنا فعلًا عاوز أعمل الحاجة بحب مش مبحبكيش.

كذلك زميلي اللي رفضت أديه قلم كان عاوزه وأنت رافض علشان عاوز تديه الحاجة بحب.

يعني لما تترفض من بنت ده علشان هي بتحبك وبتحب نفسها فمش هتدخل علاقة تدمرك وتدمرها.

فهمت الحب فين ........

````````````````````