تأثير الضرب والإهمال على دماغ الطفل

تفتكـر ممكن العنـف أو الأذي أو الإهمـال يأثروا علي حجـم دماغ الأطفال؟

كتبت: ميرنا صقر

- سنـة "1997" أهتم دكتور بروس بيري أحد علماء المخ في جامعه هارفارد بدراسه تبعات الأذي والإهمال اللي بيتعرض لها بعض الأطفال، ولفت انتباهه صغر حجم الدماغ عند الأطفال وده وقتها عمـل بعض الجدل علشان يتم إكتشـاف إيه اللي بيحصل لدماغ الأطفال اللي بيتربوا في بيئه قاسيه وبيتعرضوا للاذى والاهمال بالشكـل مستمـر، و كانت النتيجة:-

- اكتشف وقتها إن بعض أجزاء المخ تقلصت بالشكل كبير وما متمش نموها ابدًا و نقص إكتمال و ظائفها، و اكتشاف بعض أجزاء المخ تضخمت وزادت حساسيتها ،و أجزاء بقت مستثاره وبتشتغل اضعاف وظيفتها و أجزاء ان فقدت وظيفتها، و أجزاء ليها صلة بباقي أجزاء المخ بقت معزولـة ..

و من الأجزاء اللي اتضخمت اللوزة الدماغية وجذع المخ ومن الأجزاء اللي تقلصت كانـت القشرة المخية والحُصين.

- موجود في جسـم الإنسان حاجة إسمها جذع المـخ وده بكل بساطـه، الجزء الأقدم المسؤول عن الوظائف الحيويه اللي من غيرها هنِموت تنفس حركه القلب و ضغط الدم والهضم، و بيتم تسميته بـ مخ الزواحف أو مـخ الدفاعات مـخ غريزة البقاء وهو جزء مسـير ضيق الاختيارات هو ده اللي بيخليه يطلق عليه الوضع الغرائزي للبقاء على قيد الحياه الوظيفه اللي بتهمنا هنا هي الدفاع عننا بالشكل مبـاشر.

في هذه الحالة، يكون الطفل إما في حالة هجوم (Fight) باللوم والغضب، أو في حالة هروب (Flight) يشعر فيها بالعجز والعار." الأطفال اللي بيفضلوا في حالـه استنفار طول الوقت ومحاولات للدفاع عن نفسهم الجزء ده بيتضخم وجذع المخ بيزيد حجمه بنسبه 40% عن الطبيعي عند الاطفال اللي تعرضوا للاذى والاساءات والتعذيب ..

طـب الجهاز الحوفي أو المخ الانفعالي أو مخ الثدييات وده بيتقسم لجزئين أول حاجة اللوزة الدماغية و تاني حاجة الحصين:

1️⃣اللوزة الدماغية Amygdala

- جزء بحجم الظفر كثافه شهيده من الخلايا والالياف موصوله بمعظم المخ قوي ومسيطر ولا ينسى الانفعالات المؤلمه اطلاقا عندما يستثار كثيرا بيتضخم وبيبقى أكثر حساسيه وهو مرتبط ارتباط وثيق بجزع المخ وده بيدفع الكائن الحي للدفاع عن نفسه بس بشراسة فده بيخلي الأطفال في حاله تأهب طول الوقت.

2️⃣الحُصين Hippocampus

و ده بيكون منبع الذكريـات، و هو الجزء القادر على هضمه و استيعاب الصدمات والذكريات المؤلمه بجانب مهمته الرئيسيه وهي تدوين الذكريات، يعنى إن كل الأذى اللي اتعرضله الطفل كان ممكن إن يتم استيعابه لو الحصين ده شغال بكفاءه كويسه، وده معناه ان الحُصين ده كان من الأجزاء اللي ضمرت عند الأطفال اللي اتعرضوا للاساءة والأذي و العنف ..

القشـره المخيه:

- من أهم الأجزاء التي ضُمرت عند الأطفال اللي تعرضوا للأذي نتيجه الإهمال وغياب العلاقات وهي لها مجموعه وظائف بتميزنا كأدميين زي التفكير والابداع والتراحم والبصيرة و تنظيم المشاعر وتكوين العلاقات والأخلاق

- فـبالتالي جذع المخ واللوزه الدماغيه لما بيكونوا مُستثارين بشكل مستمر و لما الحصين والقشره المخيه بيكونوا في حالة شلل فـبالتالي الأطفال مش بيقدروا يتعاملوا مع الأذى والصدمات المتتاليه،فالجزء السفلي هيتضخم اللي هو البدائي الغريزي اللي هو مرتبط بالعدوان، والجزء العلوي هيحصل له شلل اللي هو الإنساني والمرتبط بالرحمه والانسانيه والتفكير الصائب ..

- تضخم جذع المخ اللي هو مسؤول عن إفراز مواد زي الادرينالين والنور ادرينالين والكورتيزول وهي مواد بتساعد كل أجهزه الجسم إنهم يدخلوا وسط شجار أو كروب أو ضغوط الحياه ولكن لو ما فيش شجار حقيقي فـوقتها هتبقى المواد دي شديده الضرر على الجسم ..

القشره المخية اللي تقلصت كانت المفترض في حالتها الطبيعيه بتفرز سبع مواد دوبامين ،اندروفين ،اوكسيتوسين ،جلبوتامين، جابا، استيل كولين المواد دي بتساعد بدرجه كبيره في تحسين الصحه النفسيه والجسديه وزياده الوعي والتفكير الاخلاقي والقدره على تنظيم مشاعرنا والتراحم مع نفسنا، وطبعا في حاله الأطفال اللي تعرضوا للأذي والإهمال والصدمات المتتاليه المواد دي بتفرز بشكل قليل بسبب تقلص القشره المخيه .

- الأذى ليس فقط نفسيًا أو جسديًا بل هو أيضًا تشوه عصبي في تكوين دماغ الطفل، ما يتعرض له الطفل من إساءة أو إهمال لا "يمر مرور الكرام"، بل يترك أثرًا عميقًا يظل معه حتى الكبر، ويؤثر على سلوكه وعلاقاته وصحة النفس ..